أعراف وتقاليد اجتماعية
نكـــــــات
عراقيّـــــــــة
لقد
تعودنا للأسف أن نعتبر(الثقافة الحقيقية) هي التي تهتم فقط بالامور النخبوية
المتخصصة والمترجمة، وعليها أن تترفع عن التطرق للأمور الشعبية المتداولة في
حياتنا اليومية باعتبارها أمور (متخلفة) و(عابرة)! طبعا (النكتة) هي من اكبر
هذه(المخلفات الشعبية) التي يترفع عليها اولئك المثقفين الكبار ومجلاتهم المحترمة.
علما ان الثقافة الشعبية في الغرب من اكثر المجالات التي تم الاهتمام بها وتخصيص
المؤسسات الاكاديمية والمتاحف لدراستها والعناية بها. وتصدر سنوياً العديد من
الكتب (الجادة) لمتخصصين كبار لتقديم انواع النكات وترتيبها ودراستها وتقديمها في
وسائل الاعلام.
ان
(فن النكتة) يعتبر افضل طريقة لمعرفة نفسية وافكار أي شعب في حقبة معينة. ان
النكتة ابداع شعبي صميم، لأنها مثل الاغاني والامثال واللعبات والاكلات والحرفيات،
والكثير من الابداعات الشعبية المجهولة( المؤلف والصانع)!؟
نحن
العراقيون، من بين أكثر الشعوب حبا للنكتة، بقدر تعلقنا ايضا بالمأساة ، وبسبب
خصوبة الخيال العراقي وتطرف تاريخنا سلبا وإيجابا. لهذا هنالك ايضاً خصوبة كبيرة
في الخيال، بما فيه خيال النكتة. نتمنى ان نجد يوما تلك الدراسات الجادة للنكتة
العراقية، مثلاً ، خلال قرن من الزمان، لتحديد خصوصيات النكتة العراقية وما تتميز
به عن النكتة المصرية مثلا.
عموماً
ان روح النكتة العراقية، تحمل ميزة شاملة لدى كل الشعوب، باختيار (فئة) معينة
والتركيز عليها واعتبارها موضوعاً مفضلاً للنكتة. مثلاً، لدى الفرنسيين
والسويسريين، تم اختيار(البلجكيين) كموضوع للسخرية واعتبارهم سذج! ولدى المصريين
تم اختيار(الصعايدة).. هكذا لكل شعب(ضحيته).. وطبعاً نحن ضد مثل هذا الاختيار
العنصري واللا أنساني، الذي يجرح مشاعر فئة انسانية وطنية. لهذا نفضل أن نتجنب
تسمية أية فئة، واستخدام أسم ( شخص ساذج، أو قشمر..)..
هذه
النكات، قد جمعناها، من خلال الاصدقاء والمعارف، وكذلك من مواقع الانترنت العراقية.
وقد قمنا بعملية تشذيب صارمة لهذه النكات، لكي نتجب جرح مشاعر أي انسان أو فئة.
فحذفنا تسمية أي فئة مهما كانت، من الاستخدام السلبي. كذلك حذفنا النكات التي تسخر
من الدين أو النكات الفاضحة والقاسية والقذرة.. يعني حاولنا قدر الامكان أن نختار
النكات التي تتميز بالخيال الجميل وروح الدعابة والخالية من أية مضامين عنصرية ولا
وطنية ولا جمالية.. ونرجوا أن نكون قد وفقنا بذلك .. ( ميزوبوتاميا )
·
محشش
كامش الدجاجه ويضرب بيها ويگول: يا بنت الكلب كل يوم بيض!! ماكو فد يوم
جبن.. گيمر..؟
· محشش رجع للبيت
متأخر ..مرته فتحتله الباب.. ضربها وگاللها وين ليهسه متأخره بت النعال؟
· محشش يسوق تكسي ..
أشّرتله بنيه ..وگف گال : وين تروحين؟ گالت: للشورجه گاللها: اوكي بس
لتتأخرين.
· محشش دخل محل گال
لأبو المحل:عندك جگاير روثمن؟ گال له :لا.. راح للمحل اللي بصفـّه گال له: طيب
وإنته؟
· حشاش ضرب صديقه
راشدي فگال له: لك هذا صدگ لو شقه؟.. قال : لا صدگ.. گال إي عبالي.. لإن أني ما
أتحمل الشقه.
· طفل گال لمعلمته:
تدرين ست شگد أني أحبچ..وبلكي أتزوجچ؟ فالمعلمه گالت :أي بس أني ما أحب الجهال..
رد عليها الطفل: مو مشكله ست .. ما راح نسوي جهال.
· حشاش يحچي ويّه
روحه:مدري مواعد وحده الساعه ثنين؟.. مدري مواعد ثنين الساعه وحده؟
· حشاش گال لصاحبه:من
أحشش بعد ما أعرف أشتغل.. لذلك بطلت..گال له صاحبه:أها...يعني حضرتك هسه عاطل عن
العمل؟
· حشاش مثقف گال
لصاحبه:قل لي ماذا تقرأ..أقل لك من أنت...فگال صاحبه: ماذا تقرأ؟..فرد عليه الأول:
من أنت؟
· حشاش سأل أبو
المخضر:عندك فاصوليه خضره؟ گال :لا والله خلصت گال.لعد شظل عندك يالون؟
· قشمر بنه بيت مدوّر
وگال لمرته:هم گولي بعد حابسني بين أربع حيطان؟
· ثنين قشمر يلعبون شطرنج.. الاول گال:هييييه.. كتلتلك الحصان.. الثاني
طلع شويه ورجع گال:وأني سممتلك الهوايش كلهن.
· محشش راح للمطار
يستقبل أبوه باس الجنطه وشال أبوه.
· محشش عوّز ..دز
إبنه يجيب عوازه..أبنه انكمش بالطريق وأنحكم عشر سنين ..من طلع من السجن رجع للبيت
تلگاه أبوه بالباب گال له: إبن الكلب وين صارلك ساعه ؟هوّه براس الشارع.
· محشش بطياره نايم
گال له اللي يمّه :يمعود الطياره راح تطيح..!! گال: وشنو يعني طيارة اللي خلفونا؟
· متدين في قمّة
الأدب يدگ باب الثلاجه قبل لايفتحها.
· مات المتدين هذا..
فبالجنه حصل بيتين گام باع واحد وأجر واحد وسكن عد گرايبه بالنار.
· عجوز هجموا عليهه
حراميه راحت تدليهم على مكان الذهب والمجوهرات وهيه فرحانه فلما باگوا كل شئ
ورادوا يطلعون گالتلهم: وين ..؟ شنو ماكو إغتصاب؟؟
· محشش يسوق سياره
..وگفه شرطي المرور گال له إجازتك؟..گال أي حشيش هذا اللي تحچي عنّه.
· واحد راح يسرق بيت
وحده سمينه حيل ..مسكته وگعدت عليه وگالت لابنها: يمه محمود خابرلنا
الشرطه..الحرامي من يمه گام يصيح:عفيه بسرعه يا محموووووووود.
· أبو بريص نايم بالمستشفى متكسر ، سألوه سلامات .. خو ماكو شي؟؟ گاللهم: كالعادة .. نعال .
· صرصر راح يعزي
بوفاة صرصر ..سأل أهله:شلون مات المرحوم؟ گالوا بذاك المرض اللعين...گال
أيبااااه..هم بالشحاطه!!
· صرصر بالأنعاش شاف
صرصر لاخ جايبيه عالسديه گال له: ها أخي .. هم شحاطه؟..گال. لا والله بف باف.
· دجاجة وديچ شافوا
محل شاورمه دجاج.. گاللهه الديچ: شوفي!!.... هذا مصير اللي ماتسمع كلام زوجها.
· دجاجه إنتحرت وكتبت
على ورقه:خلّي( ماجي) ينفعكم..!!
· طلي مغمّض ويصيح.
ماع.. ماع.. گالوله ليش تغمض؟ گال حافظهه عالغيب.
· زمال راد يغازل
صاحبته گاللهه: شوكت تتزوجيني يازماله؟ گالتله:من تحسّن ألفاظك يا زمال!!
· هايشه وگفت گدام
المرايه وگالت: والله حرام كل هذا
الجمال وياخذهَ ثور.
· حيّه تبچي
..گالولها :ليش؟؟ گالت خمس سنوات إمخيله عله عربيد وبالأخير طلع صونده.
· واحد متعاجز حيل.. راح للحلاق وگعد على الكرسي منزّل راسه.. گله الحلاق: شعر لو لحيه؟
گال:لا لحيه.. گلله:طيب شيل راسك
شويه..گال:لعد سويهه شعر.
· واحد يشتغل
بالستلايتات..طلع أبنه من الأوائل گال : لا مع الأسف راح يشفروه مثل الـ(أي
أر تي)..
· قشمر گال لمرته
الحضريه شناكل اليوم گالت: مسويه ريجيم گال اي والله
ماضايگهه.
· قشمر يم صاحبته دگ
عليه الموبايل ..طلعت مرته.. گال عجيب شمدريهه أني هنا؟
· قشمر گال لأبنه إذا
نجحت هالسنه أشتريلك رولز رايز وإذا زمال مثل كل سنه أخليك عالبي أم 2000 مثل
الكلب.
· واحد گال لصاحبه : بالله شوف ألاشاره
مال السياره تشتغل؟ فگال له صاحبه:إي..لا..إي..لا..إي..لا.............
· قشمر دعم أثنين
بسيارته واحد مات والثاني متكسر.. گام المتكسر يصيح.. گال له القشمر شبيك تصيّح
أشو هذاك مات وكلشي ما گال.
· ثنين قشمر مساجين
خططوا يقتلون الحارس ويهربون راحوا شافو الحارس ماموجود رجعوا گالوا: خربت
الخطه
· اكو حفره بمنطقة كل
اللي يوگع بيهه ينكسر..المسؤول قشمر
گال أحفروا المنطقة كلها بمستوى الحفره وخلصونا.
· واحد بالحرس الوطني گالوله: من تشوف الوزير.. تضرب واحد وعشرين طلقه.. گال: وإذا صوبته بأول وحده...أكمّل الباقي؟
· قشمر عنيد.. صاحبه
دگ عليه الباب گال:منو؟ گال:أنا..گال :لا مو أنته.
· قشمر يصبغ السقف
بالبويه گالت له أمه:يمه خلي جريده جوه رجليك.. گال لا ماما ميحتاج... أنوش .
· قشمر كتب لافته على
باب محله: يوجد لدينا ثلج بارد جداً.
· بعد فتره من نجاح
الاعلان كتب: ملاحظه.. المحل يفتح ليلاً
ونهاراً فقط.
· قشمر يلعب برمانه
يدويه.. گالوله :ماتخاف تنفجر؟ گال: عدنا هوايه بالبيت.
· قشمر خابرته صاحبته
گالتله: تعال اليوم البيت فارغ.. ماكو أحد ببيتنا..طار من الفرح..راح لبيتها
ركض..بالباب وگف گال :لعد شكو جاي أني إذا البيت فارغ وماكو أحد؟
· قشمر سألوه شتسوي
اذا ردت تصيد أرنب ؟ گال: أقلد صوت جزر.
· قشمر طلّع الصوبه
ليبرّه البيت.. گالوله ليش؟؟ قال :مو برّه أبرد من جوّه.
· قشمر يسبح بالشط
ويندعي : يا إلاهي لاتموتني لخاطر
المره والجهال .. صديقه سمعه گال له: لك يامره ياجهال؟ إنته يمته متزوّج..القشمر غمزله وعض
له شفـّه.
· قشمر گال للدكتور
:دكتور كلما أشرب چاي عيني توجعني..گال له الدكتور :طيب كلما تريد تشرب الچاي وخّر
الخاشوگه.
· قشمر شاف گشر موز
بالشارع گال:أوهوووو..شلون شغله ؟ هم راح نزلگ!!
·
· سبعه قشامر سووا عصابه
سموهه:(سي قهره ماني كان)أي الأبطال الثلاثه.
· قشمر سأل أبو
المحل:عندك تلفزيونات ملونه؟ گال له نعم.. گال فد واحد أزرگ للجهال الله يخليك.
· قشمر عنده أرق
ميگدر ينام گالوله عِد للميه تنام .. وصل للخمسين نعّس.. گال: اگوم اغسل
وجهي وأكمّل للميّه.
· قشمر گال له أبوه
روح إغسل وجهك راح يجونه خطار..گال وبلكي ما إجوا؟
· قشمر أتصل بالأطفاء
گاللهم:شنو إذا ماكو حريق منشوفكم يعني؟؟
· طالب قشمر سأله
المعلم:من هو النبي الذي كان يكلم الحيوانات؟؟ گال:سيدنا طرزان عليه السلام.
· قشمر راد يتعرف عله
بنيّه گاللهه: شسمچ؟ گالت:أسماء..
گال: أها..يعني مو إسم محدد؟؟
· قشمر سألوه: إشفت ببغداد؟ گال السفن آب.. گالوا شنو يعني ؟ گال بطل تفتحه لو تلحگ تشرب منّه لو لا.
· قشمر شاف المصلحه
أم طابقين ببغداد واگفه..داخ.. گال ياساتر اشلون حادث رهيب..شصعّدهه وحدة عاللُخ ؟
· قشمر شاف نافورات
هواي ببغداد گال : حيل..!! شكثر بيهه بوريات طاگه.
· قشمر شاف ببغداد قطعه
مكتوب عليهه(دورة مياه) سأل اللي بالباب: گلي بروح أبوك شلون التسجيل بيه؟
· قشمر تعين بالأمن
السري مال الكعبه الشريفة شاف واحد
يطوف گاله :شعندك تفتر هنا؟
· قشمر بعرس سكتاوي حط كاسيت فارغ بالمسجل.. واحد من المدعوين
عجبه الشريط طلب منه نسخه مسجلة.. جيرانهم دگ الباب حيل منزعج گاللهم : يأ أخوان نريد اننام متـنصون الصوت مال
المسجل شويه .
· قشمر أشتره علچ أبو
السهم ..صار الليل وهوه يعلچ..گالوله نام..گال: بالحرام.. ما أنام إلا أخلصه.
· قشمر طگّت أموره
بالتجارة جاب خدامة .. ثاني يوم تعاركت مرتة ويه الخدامة .. گام عزل كل وحده ببيت.
· قشمر واهسه بالتجارة سمع صديقه يگول: الخميس يوافق 15 ..گال واذا ضغطنه عليه شويه ميسويهه أقل؟
· قشمر يطوف بالكعبه الشريفة سمع
الاذان سأل اللي يمّه گاله: بروح أبوك ماكو جامع قريب هنا؟
· قشمر گال لجماعته:
والله الخدمات بالسعوديه للحجاج حيل محترمة وأنصحكم من تريدون
تحجّون لا تروحون غير للسعودية .
· ثنين قشمر يتناقشون الاول گال انا من اشرب
الگهوه ما اگدر انام الثاني گال انا بالعكس من انام ما اگدر اشرب الگهوه.
· قشمر اشتره لابنه
حاسبه شال الصفر منهه گال حتى لتسجل عليّه مكالمات دوليه.
· فيترجي اشتره
چربايه ...نام جواهه وصاح على مرته: ناوشيني سبانه تلثطعش.
· قشمر گال لابوه:
بابا خل نروح لحديقة الحيوانات ابوه گال له: لاتستعجل ابني فد جم يوم همه
يجون ياخذونه.
· قشمر اشتره تكسي..
بالشارع يصيحون عليه تكسي تكسي.. گاللهم عمي ادري والله ادري.
· فد واحد
متعاجز تزوج وحده حامل گال والله لأن مالي خلگ لليلة الدخله.
· قشمره قرت بجواز
رجلهه مكتوب( رجل اعمال) گالت سواهه الكلب واتزوج عليه.
· واحد گال لجهاله
اللي ينجح هالسنه اراويه سيارة الموطا.
· واحد گالوله: اذا
بردت شتسوي؟ گال: ادني الصوبه يمي.. گالوا: واذا بردت حيل؟ گال : ادنيهه يمي
حيل.. گالوا: واذا بردت حيل حيل حيل؟ گال اضطر اشعلهه.
· واحد بلع ربع حباية
فياجرا گال :الليله بس بوس.
· واحد دز ابنه على
تلث گرص خبز من رجع الابن گاله ابوه : بابا رجّع وحده امك ماتت.
· واحد أحترگ بيته دگ
عالأطفاء مره وحده وسد التلفون .
· ثلاث اخوة نايمين
بالغرفه ومشغلين البنكه على رقم خمسه..دخل أبوهم بالعصا يصيح: ياكلاب .. تلاثه ومشغلين
البنكه عالخمسه؟
· قشمر گال لأبنه إذا
تنجح اجيبلك مدرس خصوصي مُـلـُـك..
· مدرس سأل طالب قشمر
گاله: أبوك شگد عمره گال ما أدري أستاد بس هوّه من زمان عدنه.
