ثقافة شعبية
نكات عراقية
ميزوبوتاميا / جنيف
الطفل
(مصطفى) وضحكته العراقية الجميلة
كما أوضحنا مرات عدة سابقة، إن نشرنا للنكات العراقية، لأنها
جزء من الثقافة الشعبية وتعبر عن عقلية الناس في حقبة معينة. ثم انها أيضا غايتها
ترفيه النفوس والتخفيف من حدة مشاكل الحياة، والتحلي ببعض روح المرح والطيبة. وقد
حرصنا أن تخلوا النكات من كل ما يسيء لأية فئة من أبناء الوطن، وكذلك أن تخلوا مما
يجرح المشاعر ويشيع الابتذال. أخيراً، نتقدم بالشكر الجزيل لكل المواطنين
المجهولين الذي ساهموا بتأليف هذه النكات.
غبية قرت بجواز رجلهه مكتوب(رجل أعمال)
گالت سواهه الكلب واتزوج عليّه.
بخيل گالوله: اذا بردت شتسوي؟ گال: أدني
الصوبه يمي.. گالوا: واذا بردت حيل؟ گال : أدنيهه يمي
حيل.. گالوا: واذا بردت حيل حيل حيل؟ گال أضطر أشعلهه.
بخيل دز ابنه على تلث گرص خبز. من رجع
الابن گاله أبوه : بابا رجّع وحده أمك ماتت.
بخيل أحترگ بيته. سوة مسگول للاطفاء مره
وحده وسد التلفون.
ثلاث بخلاء نايمين بالغرفه ومشغلين البنكه
على رقم خمسه..دخل أبوهم بالعصا يصيح: ياكلاب.. تلاثه ومشغلين البنكه عالخمسه؟
واحد ساذج گال لأبنه إذا تنجح اجيبلك مدرس
خصوصي مُـلـُـك..
مدرس سأل طالب ساذج گاله: أبوك شگد عمره
گال ما أدري أستاد بس هوّه من زمان عدنه.
غبي خابر صاحبه طلعله إبنه گاله: أبوك هنا؟
گال: نعم گال: عرفتني منو؟.. الأبن صاح.. بابا أكو واحد يريدك عالتلفون ميعرف هوه
منو.
غبي سألوه عن عمره گال 30 . وره عشر سنين
سألوه گال 30. گالوا:
شلون ماكبرت؟ گال: الرجال عدنه كلمته وحده حتّه لو ألف سنه.
واحد ساذج يسوق تكسي ركبوا ثنين رايحين
لملعب الشرطه گالوله: إذا ممكن نادي الشرطه الله
يخليك.. گال: ليش متحلّوهه بيناتكم اخوان.
واحد ما شايف، وصار غني، وگف يفوّل سيارته
بالبانزينخانه..شاف بنات بسياره ثانيه..گال للعامل:بالله فوللي بعشرتالاف
دينار بانزين.
صاحبه وياه بالسياره گاله مادام راح تفوّل
بهلگد أكيد راح تطول أروح للكشك أجيب عصير واجي شجيبلك وياي؟ گال له:
اللي يعجبك.. راح جاب عصير إله وقلم جاف لصاحبه.
غبي أشتغل مخرج تلفزيوني، راح لأهله گاللهم سوولي راس بصل حلقات وانطوني الحلقه الأخيره.
غبي سوه عملية رفع كليه فنجحت العمليه گال
والله مدام هيچ لآكررها.
گالوا لغبي : شنو
رأيك بالموز؟ گال والله طيب لوما نوايته چبيره.
غبي أشتره مرايه وتباوع لروحه بيهه گال
ياسبحان الله هالوجه موغريب عليه...صاحبه گال له أشو..أخذ المرايه وتباوع بيهه
گال: لك هذا آني..
غبي أشتره مرايه وتباوع لروحه بيهه. گال
ياسبحان الله هالوجه موغريب عليه...وين شايفه؟؟ وره شويه أخذله صفنه گال:أها....
يم الحلاق..
غبي أشتره سياره شبح كتب عليهه تره: ميخوّف
موعبالكم.
واحد وگـّف تكسي
گال له: فارغ؟ گال: نعم گال :متنزل نسولف شويه نگضي وكت.
لبناني يحج بمكه ..عطس
گال له السعودي يرحمكم الله. فرد عليه اللبناني: حبيب
ألبي.
غبي گال له أبنه: بويه إجازة السوق
مالتي سقطت.. قال له أبوه: طبعاً.. من كثر دياحتك بالشوارع.
واحد خبيث سوه حفلة زواج.. وزع بطاقات بيهه
الجمره الخبيثه.
حرامي خبيث طب لبيت يبوگ مالگه شي..خابر
رقم بأمريكا وخله السماعه مرفوعه للصبح.
غبي رادوا يعذبوه انطوه ورقه مكتوب عليهه
من الوجهين (إقلب الصفحه) .
برميل سأله لصاحبه: وين هالأيام؟ متنشاف؟
گال له: والله موفارغ.
غبي فتح باب السياره يريد ينزل شاف المطر
قوي.. سدهه ونزل من الباب الثانيه.
واحد گال لأبوه: بويه أريد (كيري).. قال له
أبوه: والله ماتاخذ غير بت عمك.. قال له: بويه كيري جبنه..قال أبوه: وبت عمك گيمر
يبويه.
بخيل اتزوج راح شهر العسل بوحده.
محجبه لابسه قصير.. گالولها: ليش؟ گالت:
حتى أرضي الله وعباده.
اثنين إعجوزچيه..واحد اتثاوب
..الثاني گال له: مدام فتحت حلگك متصيحنا على ماي صارلي إسبوع عطشان.
بخيل ويه صاحبته بالكازينو..أنگطع
الكهرباء..گالتله: يلّه إنتهز الفرصه....گام شرد بلا ميدفع الحساب.
غبي ديسوق دعم اللي گدامه..نزَل ذاك گال
له: شنو..چنك ماشايفني؟ گال: والله شايفك.. بس ما أتذكَر
وين.
غبي حاول يتزوج عله مرته...طلعت هيه نفسهه.
واحد سأل صاحبه: اليوم سبت لو أحد؟
گال:الأثنين..گال:سبحان الله..چَفته وحده!!
حشاش راح يشتري حشيشه..شاف الشرطه بالشارع..ذب الفلوس وأنهزم.
غبي سأل أبوه: بابا منين چنتوا تشربون ماي
گبل؟..گال أبوه: من العيون إبني..قال: بابا لعد ليش هسه من الحلوگ؟
غبي انسرقت سيارته..ركض وراهه ورجع گال:هم
زين أخذت رقمهه .
غبي سوه دعوه
سرقة سيارته..گالوله:شگد رقمهه؟ قال : والله
ثمنتالاف..ثمنتالاف وثمنميّه..بهل حوالي..المهم أقل من تسعميه.
واحد جاب شاهد زور يشهدله بالمحكمه گال:
أريدك تشهد أني اطلب فلان مليون دينار..گال له : ليش
لهسه ما سددهن؟